Mir mussen schon an Primärschoul goen fir Beaver ze ginn. D' Beaver liewen zesummen an enger Kolonie a mir sinn agedeelt an Dämm (e Grupp vun 6 Kanner). De Kaderprogramm baut op d'Geschicht "D'Frënn aus dem Bësch" op. Eng Mënschefamill an eng Beaverkolonie léiere sech kennen an mateneen deelen. Si erliewen zesummen flott Aventuren an engem grousse Bësch. Wann's du elo Genaueres iwwert Beaveren wëssen wëlls dann komm einfach eng Kéier Samschdes bei eis an d' Scoutshome. Eis Versammlungen sinn vu 14.00 Auer bis 16.00 Auer.

D'Wëllefcher liewen zesummen an der Meute a sinn agedeelt a Sizainen (e Grupp vu 6-8 Kanner). D'Liewen an der Meute baséiert sech op dem Rudyard Kipling seng bekannt Geschicht «D'Dschungelbuch». Duerch d'Spill léieren si Villes iwwert d'Natur, selbstänneg a mateneen eens ze ginn. Ons Devise ass «Mir dinn onst Bescht!» an dorun halen mir eis och an alle Situatiounen. Ons Versammlungen sinn Samschdes am Home vun 14.00 bis 16.00 Auer.

Mir sinn e flotte Grupp mat Jugendlechen. De Scout lieft zesummen mat senge Frënn an enger Patrull, eng Equipe vu 6 bis 8 Jongen a Meedercher. D'Patrullen sinn zesummen an der Trupp organiséiert. An der Patrull huet jiddereen seng Charge a Verantwortung. Sief et am Spill oder an der Aktioun, jiddereen soll seng Responsabilitéit iwwerhuelen. Mir gesinn eis all Samschden vun 14.00 - 16.00 Auer an eisem Home. Do hunn mir dann eis Versammlung. Mir maachen ganz flott Aktivitéiten wéi z. B. Sortien, Weekender an Camp'en. Also zéck net an komm roueg laanscht!!

Hei ass déng Kreativitéit gefrot! D'Explorer sinn an «Unitéiten» opgedeelt an d'Bezeechnung «Chef» ass duerch «Responsable» ersat ginn, well an eisem Alter d'Aktivitéiten zesumme décidéiert, organiséiert an duerchgefouert solle ginn. Sou entstinn super Aktivitéiten op Camp'en an Sortien. Eis Aktivitéiten bestinn aus ganz villen flotte Saachen, wéi zum Beispill : Hike, Camp'en, Klammen goen an nach vill méi! Mir gesinn eis all Samschden vun 14.00 - 16.00 Auer an eisem Home.

Bei de Rover fanne sech déi Leit zesummen, déi trotz hirem Alter vu 19 bis ... Joer nach ëmmer Spaass um Scoutismus hunn an sech heiansdo mat Gläichgesënnten zesummen treffe wëllen fir eng flott Aktivitéit z'organiséieren. Si sinn nach op der Schoul oder schon am Beruffsliewen oder bauen schon hir eege Famill op. Wann's du interesséiert bass fir bei de Rover vun den LIONS BLEUS mat ze maachen, da mell dech bei eis!